Nikolay Karaxan (1900–1970)
“Jumısqa shıǵıw”
Jaqın planda art jağınan úsh adamnan ibarat diyqanlar tobı shep jaqqa tez qádem menen ketip baratır. Olar eki er adam hám ortasında bir hayaldan ibarat. Bárlıǵı milliy kiyimler kiygen, iyinlerinde ketpen kótergen. Olardıń artında, oń jaqta — awıl hám jarqın sarı aspán kórsetilgen.
Aleksandr Shevchenko (1883–1948)
“Elektr stansiyası aldınǵı jumısshısınıń portreti”
Jas er adamnıń fas qáliptegi portreti berilgen. Bası tórtten úshi oń jaqqa burılǵan. Oń qolı tirseginen búgilgen halda kókireginde tur. Kórsetkish barmaǵı baylanǵan. Shep qolı menen dize ústinde jatqan jurnaldı uslap tur. Ol qara kostyum hám ashıq kóylek kiygen. Onıń artında matematikalıq formulalar jazılǵan qara taxta bar, oń jaǵında sur diywal, onıń joqarǵı bóleginde sızılmalar salınǵan kók keste jaylasqan.
Aleksandr Volkov (1886–1957)
“Arba”. Art jaǵı: “Naturadan sırdırıwshı”
Oń profil jaǵında arabaǵa jekken at súwretlengen. Attıń ústinde sarı kiyimdegi figura otır, ol basın oń jaqqa iygen. Araba ústinde eki hayal figura otır; olar basların shep jaqqa iygen, biri toqsarı, ekinshisi kók kiyimde. Arabanıń aldında qızıl kiyimde júgirip baratqan figura bar. Otırǵan eki hayal hám júgirip baratqan figura arbanıń úlken dóńgeligi fonında berilgen. Barlıq kompoziciya geometrikalıq pіshinlerden — úshmúyeshler, kvadratlar hám dóńgelerden ibarat. Art jaǵında: qızıl hám jasıl drapirovka fonında otırǵan jalańash naturshik súwretlengen.
Kliment Redko (1897–1956)
“Anaıq”
Pútkil súwret betinde hayal súwretlengen, ol óz ayaqları ústinde turgan balaǵa iyilip tur. Hayaldıń oń qolı balanıń qarnında. Bala siyip atır. Ol qara ko‘ylek hám qısqa shalbar kiygen. Shashı ashıq túsli, tolqınlı, mańlay shashı tegis. Hayal bolsa ayaq basına shekem túsetuǵın, tereń dekolteli keń ko‘ylekte súwretlengen. Shashı ensede jıynalıp túyilgen hám onıń ishine kók taraq qadalǵan.
Solomon Nikritin (1898–1965)
“ Qızıl kóylektegi qızdıń portreti”
Shep jaqqa yarım burılıp orınlıqta otırǵan qız súwretlengen. Ol dumalaq jaǵalı hám qısqa jeńli qızıl kiyim kiygen. Qolları kókreginde qayırılǵan. Ayaqlarınıń tómen bólegi kenep sheti menen kesilip qalgán. Orınlıq qızıl-qońır túsde. Fon qızıl, kiyimnen azmaz ashıq reńde.
Konstantin Istomin (1886–1942)
“Moskva peyzaji”. 1922
Aldınǵı planda qar basqan awıl háwlisiniń bir múyeshi súwretlengen, onda japıraqları túsip qalgan búgilgen qara úsh puta shıbıqları bar. Ekinshi planda, shep jaqta — biyik binanıń qońır-qızıl túsli diywal, onıń oń jaǵına jalǵasqan, shep tárepinde páskeltek bina hám qısqa morı bar. Olardıń artında sol jaqta ashıq túsli diywallı, qara terеzeli, toq jasıl tamı bar bina kóterilip tur; onıń ústinde basqa qala qurılıslarınıń minaraları hám morıları kórinedi. Oń jaqta bolsa diagonal boylap tereńlikke sozılǵan tómengi úylerdiń tamları hám diywalları, qara terеze oyıqları menen berilgen. Aspan – qızǵız hám kók reńde.
Elena Korovay (1901–1974)
“Tiginshiler”
Úshmúyeshli arkalı ashıq jerde qara kiyim hám qara qalpaqtaǵı er adam figurası kórinedi. Ol tigiw mashinası janında taburetkada otırıp, aq tawardan bir nárse tigip otır. Onıń oń jaǵında, ishkeri tárepte jasıl kiyimli bala tur, qolında shını sháynek hám eki nan uslaǵan. Sırt jaqta kiyim úlgileri ilingen. Shep jaqta sárı-qońır hám qızǵısh xalatlar, oń jaqta toq qızıl xalat kórsetilgen. Shep tárepte júrip baratırǵan balanıń figurası bar, onıń beti kompoziciyanıń shep tárepinen kesilgen, ayaqları hám onıń artınan júgirip kiyatırǵan iyttiń tómen bólegi de xolsttıń sheti menen kesilip qalgán. Boyaw qalıń jaǵılǵan, birqatar jerlerde mastixin menen islengen.
Ural Tansıqbaev (1904-1974)
«Qızarǵan gúz». 1931
Aldıńǵı planda, tómende, jerdiń qızǵılt-sarı betine bordo reńli kóleńke túsken. Shep jaǵında — iri japıraqlı ósımliktiń bir bólegi. Oń jaǵında — domalaq mayda japıraqları bar, órmekshi sıyaqlı ósımlik súwretlengen.
Ekinshi planda, shep jaǵında terek astında otırǵan erkek frontal halda kórsetilgen, ol kók ishtan hám qızǵısh shapan kiygen. Oń jaǵında profil halda kók eshek súwretlengen. Onıń artında úsh terek bar.
Bárshe tórt terektiń tajları birigip, qızǵılt-sarı gúlge uqsaydı. Tereklerdiń artında ashıq jasıl hám toq jasıl tóbe etekleri súwretlengen.
Igor Savitskiy (1915 – 1984)
«Ministrler Kabineti aldındaǵı skver»
Daraxtlar ortida, asarning chuqur qismida Vazirlar Mahkamasi binosi joylashgan. Bino oldida gulzor barpo etilgan. O‘ng tomonda, gulzor yonida qizil va moviy libosdagi ikki ayol qiyofasi tasvirlangan.
Chap tomonda, daraxtlar ortida yam-yashil, qizil gullar ochilib turibdi. Osmon och moviy rangda.
Nikolay Karaxan (1900-1970)
"Buxarada suw quwırın jatqızıw"
Aldıńǵı plannıń tómengi bóleginde beline shekem, shep jaqqa profil halda turǵan aq noqatlı qara reńli taqıya kiygen ózbek súwretlengen. Onıń bası tómenge qarap, júzi hám denesi toq qızǵılt-sarı reńde berilgen.
Shep jaǵında arqası menen, tolıq boyında, iri planda turǵan ózbek aq, dizege shekemgi ishtan kiygen. Basın artqa qayırıp, gúzeden suw ishpekte.
Olardıń artında, ortasında, bir-biriniń izinen ketip baratırǵan úsh ózbek aq, dizege shekemgi ishtanlarda hám jasıl taqıyalarda kók quwırdı kóterip baratır. Olardıń artında pionerler toparı súwretlengen. Ortasında qolında qızıl bayraq tutqan pioner bar.
Oń jaǵında imarat qayta restavraciya islenip atır, shep jaǵında bolsa jasıl suw háwizi bar. Ekinshi planda gúmbezli arxitekturalıq ansambl súwretlengen. Joqarǵı bóleginde kók aspannıń bólekleri kórinedi.
Nikolay Grigorev (1890-1943)
"Kofexana janında"
Aldıńǵı planda shıǵıs kiyimdegi úsh adam kórsetilgen, olar turk qalpaqların kiygen. Oń jaǵında eki otırǵan er adam domino oynap atır. Shep jaǵında bir er adam eki aq shay kesesi qoyılǵan podnosdı uslap tur. Olardıń artında tereń esik oyığı hám onıń ústinde kók túsli qaplaması bar imarat fasadı kórinedi. Joqarıda qara-kók túsli tamnıń múyeshi berilgen. Oń jaǵında, úy jaǵında iyilgen aǵash bar.